تعانى من حب الشباب :لن تصدق ان الحل بسيط !!!!

من اكثر الاشياء التى تزعج الشباب فى مرحله المراهقه هو حب الشباب لما يسببه من تشوه فى المظهر العام للولد او البنت و غالباً حب الشباب يكون بسبب تغير هرمونات الجسم في فتره المراهقه و النمو.. و ده شئ طبيعي في الفتره دي من العمر و بيكون عند اغلب الشباب
 و بيتصنف كمرض جلدي

اسبابه :
-  هرمون الاندروجين بيزيد و بيزود الزيوت في الجلد ف بالتالي بتظهر الحبوب

- هرمون التستوستيرون

- هرمون الاستروجين بالنسبه للبنات لما بيزيد بردو بيسبب حبوب

- التوتر و الضغط العصبي

- تجمع بكتريا ال propionibacterium تحت الجلد

- تجمع الخلايا الميته

*ملحوظه: السجاير و السكريات الزياده بيزودوا حب الشباب.

حب الشباب مرض جلدي معدي؟ اه معدي لانها بكتريا تقدر تتنقل بسهوله من شخص للتاني يعني خلي لنفسك فوطه مخصوصه و ادواتك الشخصيه متخليش حد يستعملها معاك..مش عيب علي فكره ولا انانيه بالعكس الناس النضيفه الواعيه هم اللي بيهتموا بالتفاصيل دي لانها مهمه

العلاج:

بالنسبه للعلاج لازم نتفق ان مش كل الناس هيناسبهم نفس العلاج بسبب اختلاف انواع البشره.. يعني ممكن علاج يجيب نتيجه مع واحد و ميجبش مع غيره و ساعات ممكن يعمل بعض الالتهابات..فانا هقول بشكل عام الادوية اللي تنفع مع اغلب الناس + النظافه الشخصية مهمه جداً، علي الاقل اغسل وشك مرتين في اليوم ب صابونه كبريت او استعمل صابونه سيباميد

اولا العلاجات الطبيه الموضوعية زي المراهم و الكريمات وتفضل للااشخاص اللتى لاتتحمل  ليمون او خميره علي وجوههم  مثلا

1- مرهم مضاد حيوي clindamycin

2- مضاد حيوي برضو erythromycin

3- جل ادبالين بينضف البشره و بيشيل البكتريا

4- مرهم fucicort اسبوع اقصي مده لاستخدام

5- Himalaya Acne –N – Pimple 
كريم فعال جداً

6- Garnier Skin Naturals Pure Pimple Control Pen

7- Biotique Chlorophyll Oil Free Anti Acne Gel Ecopack

غسول بينضف الوش من البكتيريا و بيقلل ظهور الحبوب:

1- Himalaya Purifying Neem Face Wash

2- Cetaphil Oily Skin Cleanser

3- Neutrogena Oil Free Acne Face Wash

*ملحوظة: لو استخدمت علاج معين و حسيت انه بيدايقك او بيهيج بشرتك وقف متستعملوش تاني يبقي بشرتك مش قبلاااه 

نصايح:

- اتعودوا تشربوا مياه بكميات كافيه يومياً

- بالنسبه للبنات حاولوا تتجنبوا استخدام المكياج و الكريمات الدهنيه

- متحطش ايدك علي وشك كتير عشان انت من غير متقصد بتنقل البكتيريا و بتوزعها في وشك

- العبوا رياضه لو نص ساعه في اليوم عشان تقللوا الضغط العصبي و لتحسين المزاج عشان النفسيه عليها عامل في ظهور الحبوب

بالنسبة للعلاجات الطبيعية :

1- زيت جوز الهند

2- بيكينج بودر بيتحط عليه شويه ليمون و حطه علي المناطق اللي تحتوى على حبوب

3- التلج.. مشي مكعبات التلج علي وشك من وقت للتاني بينضف المسام

4- التوم